అమ్మనొదిలెయ్యన్నా

ఒక శకం ముగిసింది..
కొన్ని పేజీల నిండ రక్తం మరకలు,
కొన్ని శిథిలాలు, కొన్ని శకలాలు..
తల లేని మొండాలు గాల్లో వేలాడుతున్నాయ్..
తెగిన తలలన్ని వాటి చుట్టూ పరిభ్రమిస్తున్నాయి..
చిన్నప్పుడనుకునేటొన్ని..
బ్రహ్మ రాస్తడు రాత ని..
ఇప్పుడర్దమయ్యింది…
మా రాత రాషినా, చరిత్ర రాశినా మా సీమాంధ్ర అన్ననే రాయాలె అని…
మల్లొక్క సారి చరిత్ర రాస్తరు…
తెలంగాణల ఉద్యమం అని ఉండదు…
తెలుగు జాతి గర్వించదగ్గ తెలుగు వాడీ సమైక్యపోరాటం, వేర్పాటువాద అణచివేత అని ఉంటది… యాభై యేల్ల సంది గోస గంగల తొక్కి ఇష్టమచ్చినట్టు రాస్తున్నరు…
ఎక్కడ చూసినా బూడిద…
ఇండ్లు కాలిపోయిన చమురు వాసన..
శవాలు కాలిపొయిన కమురు వాసన..
శవాల మీద వ్యాపారం చెయ్యనీకి అచ్చిండు అన్నయ్య..
సమైక్యంగ ఉందాం.. శవాల మీద వ్యాపారం చేద్దాం..
కొన్ని చెవులల్ల ఆఖరి ఆక్రందనలు మిగిలిపొయినయ్..
నల్ల గుడ్డ తీసేదాక తెలవలేదు,
అసలు దానికి కళ్ళే లేవని..
కొడుకుల చితికి నిప్పంటించిన,
తెలంగాణ తండ్రుల జూసిన తరవాత
కలం కదులుతలేదు…
చేనేత వర్తకుల ఆత్మహత్యలు చూసినంక తొడిగే బట్టల మీద అసహ్యం వేస్తున్నది..
గొంతు లేపుతె తెగ్గోస్త..
కాలు కదిలితె కడ నరుకుత..
చెయ్యెత్తితె నీ చేతులుండవు…
ఇక్కడ మాట, పాట, ఆట ఉద్యమం నిషిద్ధం..
నిరాటంకంగ ఆత్మహత్య చేస్కొ..
ఎవ్వరు యేమనకుండ నేను చూస్కుంట..
లాబీ చేస్త.. మీడియా కొంట..నీకేం బయం లేదు తమ్ముడూ.
నిర్భయంగ సచ్చిపో…
మన అన్న సమైక్యాంధ్రలున్నడు..
మన సావుకు ఎవ్వరు అడ్డు రాకుండ సూస్కుంటడు..
ఇంకో ఇరవయ్యేల్ల దాక యే ఢోకా లేదన్నయ్యా..
నీ ఇష్టం అచ్చింది నువ్వు చేస్కొవచ్చు..
అప్పుడు మల్ల మా కొడుకులు కూతుల్లు ఉద్యమం మొదలు పెడతరు కదా..
అప్పుడు చెప్పు ఆల్లకు స్మషానాలుగ ఉన్న బూములని నువ్వే అభివ్రుద్ధి చేషిన కనుక మొత్తం నీదే తెలంగాణ అని… నీకు చెప్పేటోన్నా గని..
ఇంకో రెండు ప్రాజెక్టులు కట్టుకో మా నీల్ల మీద..
ఇంకో పది యూనివర్సిటీలు పెట్టుకో మీకాడ..
గదంతెందుకన్నా….రాజు తల్సుకుంటె దెబ్బలకు కొదువా..
అందరిని నరికి మా ఇళ్ళూ, పొలాలూ, భూములూ, అన్ని దోస్కపో ఇగ..
ఈ డొంక తిరుగుడు ఎందుకు చెప్పు…
తెలంగాణ ఫర్ సేల్ అని బోర్డు పెట్టి అన్ని అమ్ముకొని తిను..
మేం గుడ అస్తం.. మమ్మల్ని గుడ ఎవలన్న కొంటరేమొ అమ్మి పడెయ్ యేమన్న చిల్లర మిగుల్తది నీకు…
నీ పెద్ద కొడుకు బండిల పెట్రోల్ కర్సులకు ఐతది అమ్మెయన్న మమ్ముల గుడ..
అరె మేం పుట్టిందే మీ కోసమాయె….
ఇన్ని రోజులు తాగిన రక్తం సరిపోలేదా అన్నా..
చేసిన మారణ కాండ తృప్తి నియ్యలేదా లేకుంటే వినోదంగా లేదా..
యేదొ నోరున్నది అని లేచినం…
మూతి పగులగొట్టిచ్చి మంచిగ చెప్పినవ్ అన్నా మేమేందో మా బతుకులేందొ…
మా యన్న..
మా తెలుగన్న..
మా పెద్దన్న…
మా దొరన్న..
సమైక్యతన్న…
దండాలు నీకు… నీ మేలు యెన్ని జన్మల మరువలేం…
చివరగ చిన్నమాటన్నా…
ఇగ యెట్లా.. తెలంగాణ తల్లి దిక్కులేదయ్యింది కదాని..
మీ పెద్దాపురం బ్రోతల్ హవుస్ ల పెట్టి మాత్రం మా తెలంగాణ అమ్మని అమ్మకన్నా నీకు పున్యం ఉంటది…
.మమ్ముల యేమన్న జెయ్యి…
సంపుకో…
కొట్టుకో..
సరిపోకపోతె చిత్ర హింసలు పెట్టు…
దెబ్బలు మాకు కొత్త కాదు..
అరవై యేల్ల సంది తింటనే ఉన్నం..
కని అమ్మనొదిలెయ్యన్నా…
తెలంగాణ తల్లిని నగ్నంగా నిలబెట్టి వేలం ఎయ్యడం ఆపన్నా…
అమ్మనొదిలెయ్యన్నా నీ కాల్మొక్త .. బాంచన్.
- కృష్ణ చైతన్య అల్లం

Oh Allam Naarannaa… »« అమ్మ

Bay Area Telangana NRI Meet

I was not a good singer though, I re-wrote the song “raajiga ori raajiga” with the current situation and as there was no one to sing, I had to sing it. Well, I was bad in singing, but not my spirit.
Jai Telangana!!

In TV9

Andhra Jyothy
http://www.andhrajyothy.com/mainshow.asp?qry=/2009/dec/28new36

On telugu websites
http://www.namastheandhra.com/photogallary.asp?id=1913
http://www.namastheandhra.com/newsdetails.asp?newsid=11082
http://www.greatandhra.com/ganews/viewnews.php?id=18208&cat=10&scat=25

Telangana state Official song- By Ande Sri »« History of Telangana Movement By Dr.Jaya Shankar